«Жібек жолымен" кашемир саудаланады

2024 жылғы 23 Қыркүйек

- Алматы қаласы

3598 просмотров

Дереккөз: Алматы қаласының «Атамекен» ӨКП

Қазақстан мен Қытайдың кашемир өндірісі және жүннен дайын өнімдерді сату саласындағы кәсіпкерлері бірден бірнеше ынтымақтастық туралы келісімге қол қойды.

Қытайдың Шэньси провинциясының Юйлинь қаласы Мин әулетінен бері өндіріп келе жатқан кашемирімен танымал. Миллионнан көп тұрғыны бар қаланың 330-дан астам кәсіпорны ешкі жүнін өңдеуге және қоспалармен де, 100 пайыз табиғи жүннен де бұйымдар жасауға маманданған. Алматы қаласы «Атамекен» ӨКП туризм жөніндегі салалық кеңесінің жұмысы аясында өткен бизнес-форум барысында тараптар ынтымақтастық туралы бірқатар келісімдерге қол қойды.

«Біздің әріптестеріміз - жеңіл өнеркәсіп кәсіпорындарының қауымдастығы, біз, «Атамекен» басшылығының атынан Қытай кәсіпкерлерімен өзара ынтымақтастық туралы келісімдерге қол қойдық. Бұл тұрақты байланысты білдіреді: технологиялық, құқықтық және, әрине, коммерциялық. Біз өзіміздің кәсіпкерлік қоғамдастығымызды осы провинциямен тығыз ынтымақтастыққа жұмылдырып отырмыз, сондықтан бұл екі ел арасындағы кәсіпкерлікті дамытуға жаңа серпін береді деп ойлаймын», - дейді Алматы қаласы «Атамекен» ӨКП директорының орынбасары Мейрамбек Қаныбеков.

Юйлинь кәсіпкерлері үшін Қазақстанмен ынтымақтастық бірқатар артықшылықтар береді: ең алдымен Қазақстан Орталық Азия мен Ресей нарықтарына қолжетімділікті ұсына алады. Бұл жоғары сапалы тоқыма бұйымдарына сұраныс артып келе жатқан стратегиялық маңызды орындар; бұдан басқа, Қазақстанда тауарларды тасымалдау процесін тиімдірек ететін логистиканың дамып келе жатқан желісі бар. Өз кезегінде қазақстандық кәсіпкерлер өз ассортименттерін кеңейту үшін Юйлинь өндірушілерінен керек мөлшерде шикізат алуға мүмкіндігі бар.

«Мұнда тоқылған тоқыма өндірісімен айналысатын және иірілген жіпке қызығушылық танытатын біздің қауымдастықтың өкілдері бар. Қазақстанда өзіміздің трикотаж бұйымдарын өндіру үшін Юйлинь кәсіпорындары қажетті матаның ғана емес, иірілген жіптің де орасан зор мөлшерін өндіреді. Біз жергілікті жеңіл өнеркәсіпті дамытқымыз келеді, сондықтан бізді шикізат – мата мен иірілген жіп түрінде қызықтырады. Біз байланыс алмастық. Осы форумда қытайлық кәсіпкерлер Шэньси провинциясын көруге шақырды. Сол шақыруларын пайдалана отырып, Юйлиньнен шикізатты Қазақстанға жеткізу үшін нақты келісімшарттарға қол қоюға ниеттіміз»,- деп Қазақстанның жеңіл өнеркәсіп кәсіпорындары қауымдастығының вице-президенті Наталья Ақшабаева жоспарларымен бөлісті.